استثمر في 5 أمور تملكها الآن
اكبر خطأ ممكن أن يقع فيه أغلب الشباب , أنهم يعتقدون إذا استطاعوا الحصول على رأس مال كبير حينها يتمكنون من إخراج أفكارهم إلى الواقع والدخول في عالم الاستثمار وتحقيق أرباح كبيرة .
وانتظار رأس المال علشان تحقق فكرة مشروعك أو الإستثمار في أي مشروع , ليس هو الحل وانت لسه في بداية حياتك , في أمور كثيرة يجب أن تقوم بها حتي تصبح جاهز لكي تدخل عالم الاستثمار و الاعمال بقوة .
إذا كنت عايز تكون مستثمر ناجح فعليك في البداية إن تحسن استثمارك في خمس أمور الآن .
1 – استثمر في نفسك
مش لازم يكون عندك خبرة في كل شئ ولكن لازم تكون عارف كويس ما هي حدود دائرة معرفتك وما خارجها وما يقع في دائرة اهدافك , ويجب أن تعرف جيداً ما هي نقاط قوتك وما هي نقاط ضعفك , الآن عاتب نفسك كل فترة كيف يمر عليا اسبوع كامل ولم أتعلم شيئاً جديد يطور من تفكيري ومهاراتي .
2 – استثمر في وقتك
لو نظرت على الوقت المفقوض منك سواء وانت رايح الشغل أو راجع من الشغل أو أثناء الشغل أو حتى وانت جالس في المنزل هتلاقي وقت كتير جداً , يذهب هباءاً , لازم تستغل وقتك بفاعلية أكبر قدر ممكن , استغل وقتك بشكل صحيح في تعليم اشياء جديدة تحدث الفارق كبير في حياتك وتطوير من نفسك بفاعلية وإنتاجية أكبر .
أستغل بعض الوقت للتركيز على تطوير عملك وما تقوم به اتجاه اهدافك , وليس مجرد وقت ضائع هباءاً غير مستغل .
3 – استثمر في مواردك المتاحة
لو سألت أي شخص ناجح أنت إزاي وصلت لهذه المرحلة إللي انت فيه رغم الصعوبات الحياة , ورغم في أشخاص معاهم نقود أكثر منك ولكن لم يصلوا إلى هذا النجاح , هتكون اجابته بختصار بداءت بالموارد المتاحة واستغلتها أفضل أستغلال , ومع الوقت قدرت اطور من نفسي واكتسبت خبرة في مجال عملي أكثر من غيري , وبسبب التحدي والانطلاق من الموارد المتاحة , قدرت أوصل إلى مبتاغي .
هتفضل زي مانت من غير أي تقدم في حياتك إذا جلست تكتب وتفكر في اشياء نفسك تحققها ومستني الفرصة المناسبة , بدل السعي وشق طريق النجاح , وتستثمر في ما تمتلك من موارد المتاحة وامكانيات .
4 – استثمر في شبابك وطاقتك
أي شخص فاشل غير طموح ديما هتلاقيه عنده خمول وعجز وكسل وحالة من الضعف الهمه , والحاجات دي بتؤثر على حالته النفسية وتخفض من مستوى طاقته وانتاجيته , علشان تكون شخص ناجح لازم ترفع مستوى طاقتك الايجابية وتطرد كل الأفكار السلبية من دماغك .
استثمر في شبابك , دلوقتي , فأنت الآن تمتلك الطاقة الكاملة وكل مؤهلات النجاح علشان تصنع مجدك , كل اللي عليك أن تتعلم تستغلها صح , ومن الغباوه ان تعتقد بأن هناك وقت كافي لكل شئ .
لو نظرت على أي شخص ناجح عنده شغله الخاص وسيارة ومنزل كبير ملكه هتلاقيه في البداية كان مثلك , بس الفرق انه بدء يتعلم حاجات جديدة في وقت فراغه واستغل الموارد المتاحة , وكان عنده طاقة إيجابية علشان كده هو وصل وأنت لسه في محلك زي مانت .
5 – استثمر في علاقاتك
يعني أقصد هتكون نتيجة للبيئة التي تحيط بك , لو حواليك أشخاص ناجحين أكيد سوف تصبح واحد منهم , لو اللي حواليك أشخاص كل هدفهم في الحياة القاعدة الحلوة وشرب الشاي على القهوة ولعب عشرة دومينو فأكيد هتكون فاشل زيهم .
لازم تسأل نفسك هل علاقاتك الاجتماعية الحالية هتساعدك تكون شخص ناجح أو لا , لازم تعرف ايضاً تكوين علاقات قوية ناجحة مع أشخاص ناجحين فده نصف طريق النجاح والنصف الأخر استغلال الفرص والموارد المتاحة مع الاستفادة من عامل الوقت .
كانت هذه خمس أشياء في استطاعتك الاستثمار فيهم اليوم لكي تنجح غداُ
